أنواع محركات الإحتراق الداخلي

وحشتك كلمة عزيزي صح! بص يا عزيزي بعد م عرفنا الأجزاء الأساسية في العربية, نبدأ ننقاش كل حاجه منهم كده عالهادي.

طبعا مينفعش نبدأ بحاجة غير المحرك اللي هو أصلا كان البذرة بتاع العربية, وبدل م العربية يجرها حصان احنا نعمل جزء أصلا من العربية يمشيها. بكل بساطة وظيفته إنه يحول أي نوع طاقة ل طاقة ميكانيكية تقدر تحرك العربية.

أنواعه بقي يبشه:

1- محركات إحتراق داخلي (Internal combustion engine): وده غالبا أشهر أنواع المحركات, وده فكرة عمله هنتكلم عنها بالتفصيل بس اللي عايزين نعرفه دلوقتي هو ان المحرك ده بيحول الطاقة الكيميائة(تفاعل الهواء مع الوقود في درجة حرارة وضغط مناسبين وأحيانا شرار كهربي) إلي طاقة ميكانيكية(حركة ترددية بتتحول بعد كدة لحركة دورانية), أول محرك من النوع ده تم صُنعه سنة 1876 بواسطة نيكولاس أوتو والدورة بتاع المحرك مشهورة جدا واسمها من اسمه(دورة أوتو Otto cycle).

2- محركات إحتراق خارجي (External combustion engine): اللي بيتم هنا مختلف شوية بيبقي في مائع بيتم تسخينة عن طريق عملية احتراق خارجية فيتمدد هذا المائع بالحرارة ويولد طاقة حركية تفعّل آلية المحرك، بعد كده يتم تبريد المائع فينكمش وتتغير حركة المحرك مع انكماشه و تتعاد العملية مرة تانية في دورة مكررة لتشغيل المحرك.

عادة ما بيكون المائع ده غازي زي محرك ستيرلينغ أو في المحرك البخاري اللي بيشتغل بالبخار المضغوط لتوليد الحركة.

3- المحرك الكهربي (Electr
ic motor): ده بقي هنعمله مسلسل مش بوست بس كفاية ان باشا مااسر(إيلون ماسك) بيطور فيه, وهنعرف هو بتاع مين أصلا فارادي ولا بتاع إديسون, ولا الغلبان تسلا.

المهم اللي عايزين نعرفه انه بيحول الطاقة الكهربية اللي بتبقي متخزنة في بطاريات ليثيوم أيون شبه اللي في الموبايل كده إلي طاقة ميكانيكية.

هنتكلم عن كل واحد بالتفصيل والتصنيفات بتاعتهم ف البوستات الجاية إن شاء الله ف stay tuned بقي.

#Automotive_Technology