أنواع محركات الإحتراق الداخلي

 عرفنا في البوستات اللي فاتت أنواع المحركات اللي ممكن نستخدمها ف العربية وعرفنا كمان محركات الإحتراق الداخلي بتشتغل إزاي ودلوقتي جه الوقت اللي نتكلم علي أنواعه, هو ليه أكتر من تصنيف هنبدأ بالتصنيف تبعاً لترتيب الأسطوانات:

1- محركات مستقيمة (In Line Engines): ده المحرك الأول والأكثر شيوعأ وبتكون فيه البساتم جمب بعض علي نفس الخط, أكبر محرك من النوع ده كان محرك ديزل بيتكون من 14 اسطوانه يستخدم في السفن وزنه أكتر من 28 طن وينتج قوة مقدارها 107 ألف حصان انت مستوعب يمان, ميزته انه ناعم وسلسل ف العمل وصيانته كمان مش صعبة.

2- محركات شكل V Engines) V): المحرك ده بقي بدأ ب اسطوانتين علي دراجة نارية ف 1989, الزاوية بين البساتم بتتراوح من 60:90 درجة, الميزة بتاعته انك ممكن تحط عدد اسطوانات اكتر ف حيز اصغر من باقي المحركات.

شركة فولكس واجن عملت شبه دمج في نوعين المحركين دول ف المحرك الخاص بيها (VR6) حيث تشير V الي محرك علي شكل حرف V, وتشر R إلي كلمة بالألمانية (Reihenmotor) ومعناها مستقيم و 6 هو عدد الاسطوانات, والزاوية هنا بتتراوح من 15:10 درجات اظن فهمت التجميعة كده, بدأت الشركة إستخدام المحرك من 1991 إلي 2018.

3- محركات شكل W Engines) W): تقدر تقول إنه محرك V ومحرك V تاني متوصلين مع بعض, أول ظهور للمحرك كان سنة 1903 وعلي دراجة نارية برضو وكان 3 اسطوانات وانهارده وصل إلي 24 اسطوانة.

4- محركات سطحية/مسطحة (بوكسر)(Flat Engines): الزاوية بين البساتم هنا 180 درجة بمعني انهم بيشتغلوا عكس بعض, ويمكن أشهر مثال للعربيات اللي كانت بتستخدمه العربية الخنفساء اللي معظمنا يعرفها, وحاليا شركة سوبارو هي اللي مشهورة بيه علي كل سياراتها.

5- محركات محورية (Axial Engines): من أحدث الشركات اللي شغالة علي هذا النوع من المحركات هي شركة (DUKE) النيوزلاندية, الشركة بتقول إنه في حوالي 30% قطعة أقل من المحرك العادي ودي حاجة عظيمة جداً من ناحية السعر والصيانة, لكن معظم الإستخدامات ممكن نشوفها ف البحرية والطيران أكتر من السيارات.

6- محركات فانكل (Wankel Engines): المحرك ده شغلوه ف كل حاجه سيارات تلاقي دراجات تلاقي طيارات تلاقي, الميزة الكبيرة ليه صغر حجمة مقارنة بالقوة الجبارة اللي بينتجها, المشكلة اللي بتواجهة هي القيود الدولة الخاصة بالإنبعاثات الكربونية, لكن في شركات مغرمة بيه وكل شوية تنزل تصريح انها شغالة علي تطويرة زي شركة مازدا.

مش دي كل المحركات طبعا بس دول أشهرهم لو تعرف حاجه من اللي متذكرش ممكن تقول عليهم ف الكومنتات, لو عندك عربية قولنا فيها أي نوع من المحركات وإيه مميزاته وعيوبه.

افتح GIFs اللي تحت عشان تستوعب اكتر, واعمل لايك وكده عشان الفرخه مش إلها وراك.

#Automotive_Technology