المكونات الأساسية للسيارة

يا فتاح يا عليم يا رزاق يا كريم,

في الأول لازم نجاوب علي السؤال الوجودي المهم جداً وهو كيف بدأت السيارة, مش شايف ان سردنا لتاريخ العربية هيبقي مهم جدا بس ممكن كل شوية نقول معلومة تاريخية, عايزين نعرف إن السيارة من عائلة المركبات الآلية"Automobile" واللي بتتكون من:

1- الدراجات النارية: (كبيرة, صغيرة)

2-السيارات: (سيار شخصية, حافلات, شاحنات,....)

3-الجرارات: (زراعية, العربات المقطورة)

4-سيارات للأغراض الخاصة: (سيارات إطفاء الحرائق, سيارات النظافة,......)

العربية ببساطة هي مجموعة من الأجزاء اللي بتتركب مع بعض وبتمشي وفقاً لشوية مبادئ فيزيائية وميكانيكية بصورة متناسقة علشان تحريك المركبة, طبعا اللي احنا شايفيها الايام دي حاجه قمة التطور وف البداية كانت حاجه غير كده تماما لدرجة انه ف 2016 كان خبر بيقول ان براءات الاختراع المحلية لدى مجموعة هيونداي موتور جروب بلغ 2745 براءة اختراع محلية و6945 براءة اختراع دولية, لك ان تتخيل ان ده من 4 سنين ومجموعة شركات واحدة بس, لدرجة ان كان في مقال انتشر ف الصحف المصرية ف بدايات نزول السيارات مصر بيقول ان ده اسوء شئ هندسي تم صنعه انت مستوعب؟

نبدأ بقي في الجد ونشوف إيه هي الأجزاء الأساسية في العربية:

1- المحرك/ المكنة/ Engine

2- مجموعة نقل الحركة Transmission System /

3- الهيكل المعدني/ الشاسيه/ Automobile Chassis

4- جسم السيارة / البادي/ Automobile Body

دي العناوين الرئيسة واللي تحتيها بقي عدة أجزاء تاني, وهنتكلم عن كل جزء بالتفصيل المبسط إن شاء الله.

#Automotive_Technology